《福祿壽訓練學院》由阮兆祥、李思捷、王祖藍擔任主持，昨晚播出的第五集，Professor Fuk（阮兆祥）、Professor Luk（王祖藍）及Professor Sau（李思捷）三隊進行「扮嘢電影短片」及「外景扮嘢挑戰」扮嘢挑戰對決，連同上一集「復刻舞台對決」的分數，最終Team Luk獲得第一名可全員留低，第二名的Team Sau及第三名的Team Fuk則分別淘汰了黃潤成、伍韻婷及莫家淦。
由於第五集是首度有學員被淘汰，現場氣氛頗為傷感，莫家淦發表感言時，同隊的黃建東更哭成淚人。莫家淦大拋感人bite謂：「以前細個好鍾意扮嘢，我記得又扮譚詠麟、又扮張國榮，慢慢好多人同我講叫我唔好模仿、做番自己，就好似覺得我係咪唔應該模仿呢？但係到咗呢個節目我覺得，咦？應該有呢樣嘢架喎，令我點番著少少火。Anyway我開心，我enjoy呢個game、呢個show，多謝大家。」
昨晚焦點則落在Team Luk學員麥嘉欣（Sophia）身上。Sophia的吊帶背心look加搏盡瞓身演出在網絡引發迴響，不少網民大讚她美貌與身材並重，指Sophia美腿冇得輸之餘，又指惡搞《古惑仔》的《古域仔》夠晒搞笑，網民：「表演得精彩迷人，清純美艷」、「精彩！好笑得嚟又有戲」、「外表超晒班，冇得輸」「魔鬼身材」。而Sophia除了在個人社交網分享美照，亦留言：「有冇睇今晚嗰集《福祿壽訓練學院》？我暫時咁多集裏面最鍾意嘅一集，今次復刻經典片段古惑仔細細粒畀人綁架嘅一幕，冇睇嘅真係要返去睇返，好開心得到大家認同🥹有好成績。」
