Mayanne小喇叭︱波波自揭因胸大引口花前輩撩　麥美恩：嗰個連我都調戲呀！

全新清談節目《Mayanne小喇叭》由新鮮出爐的「最佳女主持」麥美恩（Mayanne）擔任主持、曾展望（GM）擔任助理主持，節目由今晚（14日）起、逢周四、五晚10點半翡翠台播映。首集以「身材好是現今的流量密碼」做主題，邀來出名身材勁的堪輿學家麥玲玲、郭珮文（Juliana）和黃婧靈（波波）擔任嘉賓，並請來三位身材同樣勁爆的KOL Kamchi、雀仔和Amber齊齊訴說胸大的煩惱！

身為咪神的波波透露「波波」這個名字是由網友命名，並曾經為波波這個名字不開心：「我有本名㗎嘛，點解要叫我波波呢？但用用吓呢個名又覺得幾好，疊字又易記！」波波更大爆因驕人身材引發的風波，她說：「有一次拍劇開05，同Mayanne同一套劇，當時我笠頂帽落到去個鼻度。之後我去咗換衫，一出嚟就同個前輩打招呼，但佢冇理到我，我隔咗3秒之後岳高個頭，發現佢望緊我心口，佢話：『好彩認到你心口咋，如果唔係都唔認得你！』」Mayanne好奇問到是誰，波波說：「出名㗎！」說罷波波便對Mayanne做了個口型，Mayanne心領神會笑謂：「嗰個連我都調戲呀，但都係劇情需要啫！」花生指數爆錶。