《東張西望》近日報道76歲何伯與年輕逾30歲內地婦閃電發生關係後再婚，5名子女隨之與其反目，更疑被細女提取450萬積蓄，第1集訪問一出便掀起全城熱話！有網民更開設「何伯&何伯老婆關注組」，吸引8萬人加入，還有人將何伯與何太在訪問中的金句製作為通訊軟件貼圖。小編收集了何伯與何太一連4集報道的金句，大家一齊重溫下！
延伸閱讀：東張西望｜主持梁敏巧親揭何伯事件背後細節 直認羨慕何太：我都想有人咁無條件愛我
東張西望何伯上集｜76歲老翁搭細30歲內地婦火速再婚 與五子女關係破裂450萬存款蒸發兩度輕生
東張西望何伯｜76歲何伯獲封「提款基2.0」網民細數何太出鏡首飾約總值37萬：耳環都換咗3對
東張西望何伯「新何太」背景遭起底 疑三度結婚！公屋靠一途徑獲得
東張西望何伯下集｜為新歡與五子女反目成仇積蓄全無 爆子女及女婿粗言「回敬」：父親你死咗未啊？
東張西望何伯下集｜何太自揭名牌袋為A貨否認炫富 變賣何伯所贈10萬元龍鳳鈪救老公
東張西望何伯續集｜疑似何伯子女發聲拒養後母 自稱「新何太」反擊：錢一定會拿回來
東張西望｜街市檔主多次勸何伯莫喝「迷魂湯」 新何太兒子評繼父：臨老入花叢
東張西望｜自稱何太前夫否認家暴前妻 再爆18歲兒子非親生十字預告何伯結局
第1集 何伯對何太因「湯」結緣：飲出感情，發生咗啲關係
1. 何伯談與何太在街市相識的經過：「大家你眼望我眼，幾好；佢煲湯畀我飲，我就飲，佢啲湯又幾好飲，我就飲出感情，大家就簽紙。」
2. 何太談主動向何伯提出結婚，面帶甜蜜笑意說：「同佢行密咗，發生咗啲關係，就決定結婚。」
3. 何伯談何太被子女炮轟是騙子：「我一睇到佢就係老實人。個個都針對佢，你話我幾心痛吖。」
4. 何太叫何伯從定期戶口取100萬做生意，何伯解釋：「我諗住佢……」何太即搭嘴：「想做餐飲，覺得香港餐飲業有得做。」網民反指香港餐飲業近年狀況不樂觀，不明何太為何還覺得「有得做」。
第2集 何伯稱慾細女繼承財產 何太：你用詞用好啲，好唔好？
5. 主持魏柏豪問何伯當初為何與細女開聯名戶口，何伯說：「我都幾十歲，希望我走咗之後，佢可以繼承得到。」殊不知未有上鏡的何太在鏡頭後激動插嘴：「係處理得到，你唔好講承繼，唔係佢承繼呀嘛，你用詞用好啲，好唔好？」
6. 何太曾勸老公回到子女身邊，豈料何伯服過量藥物入浴室獨處想輕生，何太邊哭邊表示：「佢後尾頂唔順，成口都係血，佢頂唔順就自己拉開度門，我一睇到，問佢做咩。我走入去，個缸全部係血。嗰時我都唔知點算，我話『你唔可以死，你死咗，第日你啲仔女嚟搵我算帳』。佢如果真係死咗，我就成咗罪人。」
7. 何太曬六位數情人節禮物：「佢咁樣錫我好難得，冇人咁樣為我使錢。」
第3集 何伯慾當名錶送何太 何太：我都唔要「住」
8. 何太為貪財「指控」解畫時，激動表示：「佢畀隻錶畀我話去當，我都唔要住，我仲有錢，我頂得住！」何太的「住」字講得極細聲，因而播出時有不少觀眾都未有留意，後來網民才發現並認為何太似乎並非不要何伯的名錶，只是暫時不拿去典當。
9. 何太接着更爆seed說：「我頂唔順呀！因為我係好注重名聲嘅人！邪不能勝正！我哋為人正直！我哋會堅持走正確的路。」
第4集：何伯自覺老當益壯：後生仔都唔夠我嚟，假嘅咩？（唔要何太做契女）留返自己用！
10. 對於與何太進展太快，何伯表示：「佢急，啱我心水，嗰時我都唔夠膽，初初我主動追唔夠膽，佢有意思，我就最好啦！」
11. 何伯更直言對何太一見鍾情：「我早就睇中佢，我一眼就鍾意咗佢。」
12. 何伯認曾閃過收對方做契女的念頭：「一係契女，老婆又得，唔係喇！我就留返自己用，做老婆，咁我就一句做老婆，做我老婆，我留返自己用。」
13. 對於有傳何太煲湯落壯陽藥，何伯冷笑道：「開玩笑。冇咁嘅事，我OK嘅，啲後生仔唔夠我嚟呀，假嘅咩？你睇我身體！」
14. 何伯指自己十幾歲來香港，閱人無數：「邊個女人呃我，我一定睇得出！」
