洪永城老婆梁諾妍產後持續高燒入院 自爆右胸脹紅腫痛恐開乳頭放膿

洪永城與梁諾妍的二胎女兒轉眼已經兩個月大，一向愛好戶外運動的梁諾妍也於上月重拾慢跑操肌，不過今晨（7日）她突然在IG限時動態自揭因持續高燒而入院的消息，事關其患上乳腺炎，令廣大網民都非常擔心。

梁諾妍發表長文，詳細描述了患病經過：「星期六晚開始發燒，半夜瘋狂發冷打晒冷震骨痛成日超攰完全唔知發生咩事，星期日早就燒到39.2，持續嘅高燒食退燒藥都冇好到，最後黃昏時間堅辛苦頂唔順去醫院睇急症，姑娘再幫我探熱已經燒到39.7度誇張」，她透露大概是因為隔太耐泵奶所致，直言右胸又脹又腫又紅，以及發高燒，若情況太嚴重恐要用針抽膿或做手術打開個乳頭放膿。梁諾妍也寄語媽媽們最好親餵母乳，餵完再泵清：「泵都唔好過4-5個鐘，真係會好易塞，定時要按摩，吃都要吃得清淡啲」。