近日劇情主要圍繞顧晴天（黃智雯飾）採訪的「單身『狗』愛情故事」專題，店主Alton（姚宏遠飾）為了尋找當年不辭而別的舊愛Christy（林凱恩飾）接手其最愛熱狗小店，更以Christy最愛的酸椰菜作招牌熱狗。昨晚（12日）一集《再見‧枕邊人》，晴天在長勝（羅天宇飾）和天狗（麥秋成飾）幫助下成功尋回「失蹤女主角」，更揭發二人分開背後的淒美真相！Alton接手熱狗店前是飛機師，作為平凡女子的Christy原本正面樂觀地面對及克服與Alton之間的距離，但因期間遭到前度以「閃卡」威逼復合，就在決定與前度見面兼一刀兩斷之際，Christy遇上交通意外慘被毀容！大受打擊的Christy，擔心「閃卡」事件及毁容事故會受到Alton嫌棄，為怕影響二人美好回憶，情願忍痛靜靜的得體離場……
延伸閱讀： 再見枕邊人劇情｜全25集劇透懶人包 暗黑愛情故事大反轉 馬德鐘黃智雯張曦雯主演
林凱恩繼在熱播劇《隱形戰隊》飾演被逼為娼的受害者內心戲獲讚後，今次在《再見‧枕邊人》演技再度躍進，多場忍淚戲相當有感染力，加上犧牲色相爛面look演出，角度甚有記憶點。由於大部分時間要佩戴口罩或被繃帶包紮著，林凱恩很多場口要單靠眼神演繹傷心、不甘、崩潰、驚恐及甜蜜回憶等不同情緒，而每種情緒演出均相當到位。
對此林凱恩感謝監製給予演出機會，坦言是次角色由妝容到心理起伏變化均相當大，故此拍攝時感受良多：「佢本身有一個好夢幻、好開心嘅愛情，但去到最後要悲慘同飲恨咁離場……雖然之前都演過較慘嘅角色，但今次喺愛情方面再慘啲，佢係一個皮肉既受傷、又要放棄自己愛嘅人嘅慘角色。監製好好，事前係咁同我傾故仔，畀到好多信心我。」林凱恩續指在揣摩角色上花了不少功夫，尤其角色慘遭車禍毀容後帶點堅強的自卑心：「對女仔嚟講塊面好重要，意外後佢會更加自卑，但係佢又好堅強。」
化爛面特技妝致敏感 唔敢笑唔敢食怕整花妝容
今次的特技妝容對林凱恩來說，可謂新鮮初體驗，不但化足一小時，就連卸妝也需要半小時，更笑言一邊化妝一邊瞌眼瞓：「化妝後唔可以笑，唔可以食嘢，因為太大動作兩邊會裂開。同埋都會好痕，始終好多物料黐喺塊面度，化完有少少敏感，所以每次洗嘅時候要好細心，會有啲痛，但對我嚟講係一個好新鮮嘅體驗。」爛面妝的像真程度不但嚇親林凱恩本尊，就連導演也不敢拍得太近：「驚出唔到街！」林凱恩表示現實中從未經歷過如此淒美的愛情故事，但自己跟Christy一樣不會勉強幸福，必要時也會選擇得體離場，認為女生應愛錫自己：「我覺得女仔要錫自己、多啲自信，所以希望借呢個角色畀多啲女仔知道，就算變成點，有自信最重要。」
