巾幗梟雄之懸崖丨羅毓儀童顏年齡再創新低 被監製踢爆遭內地工作人員誤以為只得12歲？

由於《巾幗4》於橫店拍攝期間天氣嚴寒，Yuki透露拍攝該場口前整個劇組相當緊張，生怕濕完又乾、乾完又濕的她冷親染病，故在現場準備了大量保暖措施，包括暖風機、Keep住燃燒的火堆，及望落勁似錫紙的飛行服務保暖氈。Yuki憶述：「喺橫店時，我每日凍到係要著幾件Heat Tech同黐4個暖包再加羽絨。嗰場戲未濕身之前，我著住件好薄嘅衫、又唔可以黐暖包同打底，所以仲凍；拍嗰陣因為劇組嘅早有準備，室內環境好暖，我覺得拍得好舒服，反而上水換衫嗰吓就真係好凍好凍好凍。」Yuki笑言披上飛行服務保暖氈後，遭工作人員取笑是「燴番薯」。

出名童顏的Yuki，獲監製嘟嘟爆料指遭內地工作人員誤以為只有12歲，眾人還因認定她是小孩，對她照顧有加及不斷讚她可愛，Yuki對此啼笑皆非謂：「其實都幾好，咁樣我可以唔使飲酒，因為話自己未成年係冇人會懷疑。」