異空感應｜蕭徽勇克服畏高演躁狂老豆全職揸的士搵食只因一個理念：人大了要更識得平衡現實與夢想

點讚

撰文：電視精二師兄

發佈日期：2024-12-07 12:00 更新日期：2024-12-07 12:01

異空感應｜蕭徽勇克服畏高演躁狂老豆全職揸的士搵食只因一個理念：人大了要更識得平衡現實與夢想

在《異空感應》中飾演躁狂老爸羅啟釗的蕭徽勇Gordon，原來拍攝劇中墮樓時困難重重，除了要克服自身的畏高外，還於拍攝跳躍戲份時意外「撼頭埋牆」，為了不阻礙拍攝進度，Gordon咬緊牙關直到完成整日拍攝工作後才趕往看醫生。他接受tvb.com訪問時，大讚劇中大女羅毓儀在當下細心又貼心：「嗰日有個shot係拍我個背撞埋牆，但因為無情力，我撼咗個頭埋去，幅牆係爛咗嘅，我個頭就冇事，起咗瘤啫。但嗰時連威也都未上，冇理由睇醫生（阻到大家）架嘛，點樣都要勉強拍埋佢。我好記得我哋拍嗰幢大廈冇電梯、又幾高下，要行好多層樓梯先落到街。咁嗰日阿女Yuki好乖，佢自己唔聲唔聲咁落咗樓、再上番嚟攞咗個冰袋畀我敷，我覺得好窩心。他又笑言盡情投入角色，是克服畏高的最好靈藥。

談到劇中角色相當躁底、又鬧人又打人，蕭徽勇笑言由於之前也演過類似角色，包括《陀槍師姐2021》中的悲情溫生、《降魔的2.0》中的大頭等，由於希望盡量將每個角色都演得unique點，Gordon坦言是次雖然都是飾演走火入魔的角色，但他有在演出方法上作了少許調整，希望帶給觀眾新鮮感：「今次我就用咗淡啲嘅演繹，例如嗰場我同老婆認屍嘅戲，冇理由我同佢鬥喊，我就選擇咗另一個approach去配合番，咁樣成件事出嚟會好睇啲，亦唔好畀人覺得我淨係識得爆。」Gordon又笑言有時觀眾望落去以為他已經爆盡的場口，其實他只用了七成力左右：「我覺得主要係配音經驗幫到我，等我唔使好用力都做到個效果，其實太用力會爆咪架。」Gordon又笑言自身形清減不少後，便走不出悲情框框，笑言這樣與自己的「喜劇大計」背道而馳：「我瘦咗之後都偏向演呢類型角色，有啲神經質，同埋都係悲劇收場多。其實我想澄清我由頭到尾都覺得自己係喜劇演員，哈哈。」

現時全職揸的士、兼職演藝事業的Gordon，透露四年前已有part time揸的士，直到2023年年尾轉為全職，他透露雖然的士生意已不如初入行興旺，但慶幸仍能「搵到食」，加上平時亦有接不同類型的演藝工作，包括旁白及司儀主持等，故此收入尚算穩定。加入演藝圈多年的他，更笑言自己始終「轉唔到行」：「點都會有個演藝魂喺度，但依家人大個咗，要更識得平衡現實與夢想咁解。」翻查資料，Gordon小時候曾在澳洲雪梨的貴族學校寄宿，並就讀麥覺理大學市場學系。回港後，Gordon於2001年投考第17期無綫電視藝員訓練班，並先後兼任粵語配音員及報幕員等，2022年曾以配音員身份在無綫綜藝節目《好聲好戲》第二季中擔任評判，配音地位備受肯定。

Gordon的演藝生涯亦相當傳奇，肯做又肯捱的他，在首部劇集作品《皆大歡喜》中一口氣飾演了路人、小販、推車佬、村民、小二、賭客等十多個不同角色，多年來除了參演劇集無數，負責配音的動畫、劇集及節目數量更是多得驚人，包括《數碼暴龍DS》、《龍珠》、《銀魂》、《聖鬥士星矢》、《櫻桃小丸子》、《妖怪手錶》、《深夜食堂》、《Mr. Brain》、《GTO麻辣教師》系列、《半澤直樹》、《善德女王》、《擁抱太陽的月亮》、《來自星星的你》，粗略估計單是曾配音作品超過800部！