異空感應大結局｜阮浩棕Duncan慘死網民哭崩 最後心願勁催淚：想成家人齊齊整整食飯

因在《異空感應》中表現出色，被指是今年頒獎禮男飛躍、甚至是男配大熱的阮浩棕，今晚一集全方位展現多元演技。當Duncan知悉真兇竟是Dr.楊、及得悉Dr.楊是有心反屈他是兇手時，阮浩棕含著滿腔淚水演繹出的錯愕、驚恐及不甘均相當到位。而在醫院彌留時，一心強調自己清白及沒有怪責任何人的Duncan，則展現出令人敬佩的大方及明白事理一面，角色立體，尤其臨終前虛弱地但又努力地微笑著吐出的最後一句：「我好攰」，及表示最後心願是「同成家人齊齊整整咁食飯」的一句，更是烈點燃了網民的不捨情緒。Duncan的悲劇人生、配以願意體恤及原諒別人的大方性格，難怪獲網民洗版式留言悼念：「過往tvb劇或者日本動漫有冇登勤咁慘嘅角色出現過」、「睇一個識做戲嘅人做戲，好舒服」、「嚟緊可以留意多啲Duncan啲戲」、「算唔算tvb最悲慘角色十大之一」、「莊定勤 壯絕嘅長眠」、「Duncan 一生坎坷」、「依家未嘗唔係解脫 只係早死得太慘烈」。