黑色月光丨廖慧儀首度拍劇即贏正評揭余滿月三姊妹Casting競爭激烈

撰文：爆炸頭七蝦

發佈日期：2024-10-31 14:16 更新日期：2024-10-31 14:18

由優酷視頻和TVB聯合製作的台慶劇《黑色月光》，由《新聞女王》總監製鍾澍佳與謝穎再度聯手炮製，並由關文深及權香蘭聯合監製，逢周一至周五晚翡翠台九點半播出，主要演員楊茜堯，王浩信、林夏薇、馬志威、黃翠如、楊卓娜、尹揚明、郭鋒、馬貫東、何廣沛及張頴康等。

延伸閱讀： 黑色月光線上看劇情劇透｜全25集懶人包（持續更新）楊茜堯/林夏薇/王浩信/馬志威/黃翠如復仇惡鬥

除了數位主演，《黑色月光》的年青版演出亦贏盡焦點，當中飾演余滿月（楊茜堯飾）年青版的廖慧儀（Jessica），演出更相當亮麗，不少網民都驚訝Jessica首度拍劇演繹能如此自然，直指Jessica外表雖然與楊茜堯不太相像，但勝在做出了一樣的神情及感覺，大讚Jessica有演戲天份。Jessica受訪時謙稱自己由於零經驗，故當初試鏡只是抱著陪跑心態，並直指Moon姐年輕版競爭激烈：「PA約我Casting時，原本我喺台灣拍緊節目，同埋當時我已經知道全公司好多女Artiste cast緊呢三姊妹嘅角色。好彩當時我喺台灣已差不多拍完嘢，我就嘗試同製作組配合同即刻改機票返香港。因為我冇拍過劇，好想爭取呢次機會，好彩最後佢等埋我。Casting前我準備咗一個星期，都有啲緊張，真係冇諗過會做到楊茜堯年輕版，當初係純粹想攞吓經驗。」

感激佳導親自幫忙調節細節位

為了準備角色，Jessica私下做了不少準備及功課：「收到劇本見到有超怡、林俊其，我就約晒佢哋返公司傾吓可以點做，同埋係咁練啲同場嘅戲，大家都問咗好多問題。另外我仲上咗個one on one戲劇班，導師逐句對白同我對之餘，仲教我寫日記，例如探爸爸監嘅感受，令我更易代入。」Jessica又感激劇組由副導演到總監製佳導都全程傍實、悉心指導，並謂佳導就連細節位都幫她想好：「被強姦完喺醫院落口供場戲，佳導教我要用張被包住自己，佢好detailed嘅位都會教我。」又謂導演組為了一個眼神，情願不收工重拍做到最好效果，台前幕後都夠晒認真專業。