港女野人奇異記第十一集｜何泳芍胡美貽遊紐西蘭最美單車徑竟連環出事！ 陳若思因一事讓廖慧儀大感意外？

經歷過上山下海，今集《港女野人奇異記》，就派4位港女野人何泳芍(Honey)、胡美貽(Nicole)、廖慧儀(Jessica)和陳若思(Amber)到Cromwell中被譽爲紐西蘭最美單車徑挑戰用e-bike，這條單車徑沿途會經過有山有湖和木橋，風景十分優美，全程33km，所需時間4至5小時！

8成碎石路單車徑 難度甚高

別以為這條單車徑，會跟來回大美督和大圍一次般輕鬆，事關這條單車徑是泥路，會比一般單車徑辛苦，加上有8成地段為碎石路，而路面只得兩米闊，旁邊就是懸崖，屬高難度。不過紐西蘭近期推行e-bike，希望更多人可以享受山地車的樂趣，所以她們今次在e-bike的協助下，應該會較易掌握。

4位港女野人在聽完安全講解，後便於出發前就路線再作討論，特別是安全問題。她們在出發前先試車，Honey指自己平時多租單車，不懂如何轉波。相反，較有經驗的Jessica就對轉波甚有心得。

風景勁靚 到處都是checkpoint

4人正式展開旅程，這天的天氣很舒服。她們踩近40分鐘左右，來到Cornish Point，見到湖景很美。Honey表示：「湖景好特別，喺90年代，只有一條河就無湖，佢哋起咗個水壩去發電之後，就浸哂呢到，其實佢係有個舊鎮喺到，咁上面果啲係新起。」她直言：「好得意，好想潛落去睇。」Amber則指：「咁靚嘅湖，其實係人工湖，估唔到。」

Nicole認為這裡美像一幅畫，Honey認同更指：「唔覺得有checkpoint，每一個點都係checkpoint。」Amber覺得可以「慢慢踩，慢慢睇下風景，睇下鴨仔，睇下湖」。

因為沿途的風景實在太美，讓Honey不禁說：「攪唔掂喎，究竟望條路好，定望個景好！」

意外發生！Nicole轉彎時反車！

正當她們在落斜時，Nicole竟突然反車跌倒，痛得她忍不住大叫，被嚇倒了的眾人，連忙停車跑向她慰問，並檢查她有無受傷，並發現她的膝蓋擦損流血，製片Roxie立即替她處理傷口。Nicole解釋：「轉急嘅右彎上坡，然後有個急嘅左彎下坡，果下一扭，本身係輕輕hold住個break，但就一嘢就緊張拉咗個break，跟住就⋯⋯」

她續指：「果刻嘅我腦袋一片空白，跌親唔會諗到唔知自己要做咩，個人好慌。」她更展示傷勢，主要集中在左邊。

而一直在Nicole前面踩的Jessica，指自己踩踩下單車聽到響聲，然後聽到Nicole大叫，「就知佢炒了車，果下我覺得Nicole喊得厲害，傷口咁樣，褲都爛哂，就知佢好痛。」

忍痛堅持完成任務

Roxie邊替Nicole處理傷口邊安慰，「好彩個靚樣無事，頭無事最重要。」Nicole回答：「用手頂住個樣，如果唔係就係塊面啦。」眾人整理好後再出發，製作組問Nicole有無信心，她表示：「無問題，有信心，皮外傷啫。」

看到Nicole的堅持，Amber覺得她十分堅強，「佢覺得損傷係會有，但我哋繼續行，佢想畀信心我哋，因為如果佢唔畀信心我哋，我哋大家都唔會行到落去，覺得佢係咁諗，其實佢係為咗我哋成條team好，佢就好堅強咁一路行。」

一行人到達checkpoint 2補給站，吃東西好好休息，前面更有難度5星的急彎等着她們。Checkpoint 3 Cairnmuir Ladder，有130m攀升，屬最難路段，Amber因未用到摩打，導致上斜十分辛苦。

Jessica指自己平時都有踩山路，「今日呢條如果唔用e-bike，就咁用普通單車真係會好辛苦，我諗我唔會上到去。」

同一時間，Nicole在後面強忍着痛楚，用力堅持繼續踩，她指已考量了自己的能力，認為是OK的。這讓大家都佩服她的意志力，以及想跟大家一齊完成的心。

Nicole成不幸的小孩？

豈料，不幸的事再度降臨Nicole身上，當她們經過Checkpoint 5 Higo Bridge後不久，就發生Nicole單車爆呔事件！讓她不禁高呼：「點解又係我？」、「我係咪唔應該踩單車！」

得知事件的Jessica想着如果Nicole想踩單車落山，就讓自己架單車給她，於是要折返去找她們。此時，Nicole發現製片Roxie竟然連後備呔都有，之後她跟Jessica又發現節目組Camman竟化身單車師傅，替單車換呔，Jessica高呼：「好神奇，呢樣嘢要學，隨機應變嘅嘢，呢個真係最強隊伍。」最終Jessica還是把自己的單車讓給Nicole，自己則等待正在維修的單車。Nicole很感激Jessica，「因為就算有後備呔都係比較軟，都無本身個呔咁脹，佢主動同我換咗架單車。」

Jessica指：「果個呔其實都唔係頂到好耐，我踩果時都聽到怪聲，需要一路踩一路停低泵氣，所以其實，我都驚自己架單車隨時倒下。」

轉彎位再發生意外！Honey反車大叫！

就在此時，意外再度發生！今次的主角是Honey，她在轉彎時，突然反車倒地，她的大叫聲，嚇得在她前方的Nicole連忙停車，拖着受傷的腳急急邊走回頭邊叫着Honey的名字。當Nicole找到Honey後，着急地為她檢查傷勢，Amber亦跑過來幫忙。

Honey解釋自己想把沿途見到的牌都會想講給觀眾知，「去到後面，因為我速度加快咗，落斜轉個髮夾彎，讀緊個路牌，我就轉唔切個彎，咁就撞咗落去。」而Jessica來到見到受傷的Honey，不禁心怯一怯，「多咗個人受傷，令到我個心怯一怯。本身我諗住出發之前我係睇住Honey，我一同佢分開，隔一段距離，佢就受傷啦，我就覺得唉⋯⋯驚咗成日，點知佢真係整親，我有啲唔係好舒服。」

Amber就認為：「今日做緊嘢，真係好辛苦，大家都出咗啲意外。」她向其餘3位成員打氣，「我哋撐埋落去，去埋終點，就快到啦！」而Jessica亦強調：「唔好再受傷啦，大家！」

努力完成 只求不再受傷

最終她們用了8.5小時到達目的地，Jessica對於終於完成，感到鬆一口氣。「我唔想到最後到終點又多一個受傷，我想快啲結束完成佢，已經唔再享受呢件事，攪到我心情好緊張心好累。明明一開始係好開心，變咗好沉重，有啲壓力釋放咗出嚟嘅感覺。」

Nicole理解Jessica的想法，「一個人喺一個比較叻嘅領域裡面就會想去照顧人哋，所以佢就會自自然然喺潛意識入邊，覺得要保護哂咁多個人。而佢接二連三見到有人整親，佢就會覺得係咪無盡責去照顧我哋。」她又指，覺得Jessica已經好叻，「佢可以同我交換架單車，因為佢覺得佢handle到嘅情況，去幫助我，我覺得佢已經做得好好。」

眼泛淚光的Jessica補充：「因為其實我話我要睇住Honey，但係因為頭先交換咗車，Honey踩喺前面，所以我就覺得一走開咗佢就整親啦. 」Honey聽後即抱着Jessica說：「Sorry」。

此時，Jessica又忍不住開玩笑說：「估唔到Amber今日竟然係無整親，點都估唔到。」Nicole加入笑言：「佢喺斜路好似裝咗摩打咁。」無奈的Amber忍不住反駁：「我係安全大使嚟架」、「總之我哋4個都返到嚟就得啦！」