港女野人奇異記第五集｜划艇遊紐西蘭「雀鳥天堂」 同場加映 港女野人 x 製作組划艇對決 驚遇極急水流

承接上一集，何泳芍(Honey)、胡美貽(Nicole)、廖慧儀(Jessica)和陳若思(Amber)，終於要在紐西蘭第三長的河流上划艇兼觀鳥，河的兩邊的懸崖覆蓋着一大片原始叢林，這個生態環境，成就了過百種鳥類的棲息地，可以說是紐西蘭「雀鳥天堂」！

行程縮短 但辛苦度不減

由於之前落大雨，為了安全考量，所以大家決定由原定的57km，變成划35km，即由campsite划到Whatahoro，預計所需時間為6小時。今次用的艇非常重，要集10人之力才能搬動，但過程都相當辛苦。最後在河川守護者Willi主持落河儀式後，眾人正式出發！Jessica邊划邊說，其實艇有浪推着，可以不太用力划也會前進。

Amber成雀鳥專家？

她們邊划邊欣賞沿途一邊懸崖，一邊是樹林的風景，而且更看到不少鳥類，例如叫聲非常悅耳及響亮的紫水雞Pukeko，以及「會飛的鴨」非常吵鬧的天堂鴨 Putakitaki。

當Amber看到自己喜歡的紅嘴鷗Tarapunga即興奮地叫出牠的名字，「我鍾意佢，佢笑得好得意，同埋好白。」

之後她們又見到非常小巧，身長只有13cm的紐西蘭山雀，還有叫聲獨特，可模仿其他聲音的圖伊鳥Tui。

有趣的是，正當Jessica及Nicole在討論某隻鳥是哪個品種時，Amber即如雀鳥專家般向二人解釋。

Honey表示：「其實睇雀，真係呢一秒我見到，下一秒可能你就見唔到。所以果一下我同Amber見到，果下我同佢嘅交流，可能更加珍貴過，究竟果一隻係咪Blue duck。」

到此時，其實大家已划一小時，Amber指：「雖然手有啲攰，但望住風景都覺得舒服。」Nicole認同指：「其實呢到好靚囉，除咗水可以再清啲之外，應該無得再昇華。」Honey解釋：「因為琴日落完大雨，今日仲退緊水，所以個河流咁嘅色，本身係好清。」

正當眾人來到激流位置，不時有水彈上來或令艇身搖擺，嚇得4人尖叫起來。

突然展開的划艇對決

來到距離終點15km時，Nicole累得忍不住說：「咁划法，我想感受都感受唔到，淨係感受到攰。」雖然大家已拼命地划，但還是比預定時間有點慢，終於到距離終點10km時，就被提議被其他艇拖回終點。

Honey認為慢是因為前段她們花太多時間觀鳥，而Nicole就建議不如她們4人坐在同一隻艇，自己划到終點。之後就不知何故，就演變成在距離終點最後5km，4位港女野人與製作組展開划艇比賽，大家鬥快到終點。

Jessica指自己整個過程最辛苦的是最後的比賽，「因為我認真咗，出盡力去划，攪到自己好攰。」Honey笑言：「當時我係覺得，你哋都係打份工啫，唔駛咁搏，我覺得好似龍舟咁，條青筋現到呢。」她續指：雖然我都好享受慢慢划，望下雀仔，好平靜感受條河，但係激起咗鬥志，令我哋體驗到呢一條河嘅另一面。」而Amber更直言：「大家突然好團結咁，好想對抗你哋！」

而到最後100米近上游位置，兩組艇都停滯不前，完全划不動。大家休息一會後，女主持們作第二次嘗試逆流而上，但可惜仍完全停滯，毫無進展。

Honey解釋：「我哋就嚟去到終點，果個位係逆流，加上前兩晚落過大雨，果個時候完全上唔到，因為你划落去個槳，個水流咁樣打，你同划空氣無分別。因為你抓唔到果個力去發力，所以真係mission impossible我覺得。」

Nicole險被極急水流沖走！

那時水流非常急，即使有兩位高大CAMMAN，以及河川守護隊Dianah幫忙捉緊船也推不動。Nicole見狀想幫忙，但當她跳下水時，就險些被沖走。她表示：「其實果刻其實有啲無助，無諗過原來個急流可以咁勁，令到我企唔到，我一開始初心係想幫忙，點知越幫越忙，我就，唉⋯⋯」

最後，由於水流太急，Nicole一行人未能過到對面岸與其他會合。最後要兩邊合力用繩，逐個人拉着繩，抵着水流慢慢行到對面岸，幸好，最後大家都成功平安上岸。