港女野人奇異記第十集｜港女野人捱凍長途跋涉深入野生領域 尋紐西蘭獨有瀕危物種黃眼企鵝

承接上集，4位港女野人何泳芍(Honey)、胡美貽(Nicole)、廖慧儀(Jessica)和陳若思(Amber)繼續展開紐西蘭的保育行程！而今次她們要找的是紐西蘭原生企鵝，屬瀕危物種的黃眼企鵝！

黃眼企鵝或於2060年徹底消失！

據了解，於2013年紐西蘭本土可以繁殖的黃眼企鵝有500對，到了2016年跌至只有250對，被列為全國瀕危物種。直到2023年更跌至僅得100對左右，有專家指出，根據這個跌幅黃眼企鵝將會於2060年徹底消失。

黃眼企鵝主要在紐西蘭南島，因為越來越多干擾和傳染病，於近市區或荒野幾乎無可能見到他們蹤跡。而在Otago半島，有家族用心幫助牠們。其中野生動物及自然守護者Perry，已做了保育工作60年！

港女野人告訴Perry很想找到黃眼企鵝，Perry告訴她，因為這裡屬野生區域，所以也不能保證一定找得到。她們一行人坐着八驅車深入黃眼企鵝領域，沿途山路勁崎嶇，而且極大風，當日温度只有13度，讓她們有如坐了過山車一樣。Nicole指自己被風吹到「抖唔到氣，塊面被針吉咁」，而樂天的Amber就指：「雖然今日天氣好凍，但對揾黃眼企鵝係好好，因為落毛毛雨，佢哋會返上陸地嘅機會係大啲架。」

對野生動物來說 刺耳的聲音竟是⋯⋯

Honey好奇八驅車的引擎聲不會影響野生動物嗎？Perry解釋，相比引擎聲，人類說話的聲音，對野生動物來說更刺耳，「所以我哋喺到要講聲冷靜，安靜地講嘢。」

她們來到海狗浴場，見到活躍於紐西蘭及南極一帶海域的紐西蘭海狗，在這裡牠們可以自由活動。讓港女野人覺得今次看海狗，親近了很多。而且這裡對海狗的保護，並非餵牠們吃東西，而是由牠們自由生存，防止人類去接觸牠們。Nicole指自己曾去過美國有海狗海獅的地方，但環境很差，「人類好鍾意，唔知點解鍾意自把自為掉好多，佢哋認為動物想食嘅嘢落去，咁樣都係破壞自然生態。」

除了海狗外，Perry還帶了港女野人看小藍企鵝BB，是企鵝家族中體型最小的品種，Nicole表示很震驚和感觸，覺得大自然很奇妙。

Honey一開始覺得只給一個盒子企鵝們好似好迫，但經Perry解釋後才知，在後面有個出口，可以讓牠們隨時自由出入，而牠們亦很享受在這麼冷的天氣可聚在一齊，「可以咁近見到藍企鵝，保育真係做得好好！」

幸運終遇上

接着她們繼續尋找黃眼企鵝，經過重重山路，她們來到一山邊時，終幸運地在遠處看到兩隻黃眼企鵝，4人即興奮地拿出望遠鏡看，Nicole直指：「一嚟就見到兩隻呀！」不敢相信的眾人，向Perry再三確認，Perry指這個山頭只餘下約20幾隻黃眼企鵝，肉眼很難找到蹤影。Jessica再三強調，「唔好以為好易找到，因為係瀕危絕種嘅野生企鵝，所以真係好好彩。」

兵分兩路 為保育出力！

在看完黃眼企鵝後，4位港女野人便分頭行事，Jessica及Honey到當地的動物醫院。而Nicole及Amber就負責放捕獸器捉黃眼企鵝天敵！

Jessica及Honey來到動物醫院與獸醫Emma會合，這間醫院主要幫助及救治本土的野生動物，包括有黃眼企鵝、海鷗等，醫院內更有給「病患」游泳的泳池。

她們用心地為住院的動物們準備食品及藥品，Honey指她跟Jessica去到其實無甚麼可以做到，「我哋唔係獸醫，唔係護士，我哋只可以幫佢切下魚，餵下佢食，幫佢執下藥，係好無助，但我覺得，對於呢啲事，即使覺得好無助，我哋都要嘗試去了解佢，而唔係覺得乜都做唔到，就乜都唔做。」

Nicole及Amber在放捕獸器，先跟Perry學習當中的原理。捕獸器的威力讓二人嚇了一跳，雖然有點殘忍，但這個是阻止黃眼企鵝天敵，偷吃黃眼企鵝蛋的方法。Nicole覺得放捕獸器不難，「但我覺得有呢個心係難。好似環保個個都會講，但真係有心去做同持久先係最難。」

在各自完成任務後，4人總結感想。Jessica認為黃眼企鵝瀕臨有很多原因，「我諗最大原因係人類嘅活動，例如過量捕魚、影響生態物種，全球暖化，呢樣嘢唔係話真係可以同我哋無關。」

Amber指見過黃眼企鵝一次後，仍然會想有第二次牠見到的機會，「會有更深刻嘅感覺，知道佢得返百幾對，覺得好可惜，好想改變下自己一啲生活嘅行為，而有多啲嘅機會可以再見到佢哋。」

Nicole認為本身人類都有責任，「講明係鳥國，呢到先係佢哋嘅屋企。」

Honey指今次拍攝，令大家認識黃眼企鵝不只是一張相，「知道佢哋經歷緊嘅苦難，經歷緊嘅嘢，然後佢哋嘅可愛嘅一面，希望大家見到佢哋立體嘅黃眼企鵝！」