港女野人奇異記第十二集｜港女野人跟生態獵人狩獵 胡美貽大騷槍法 陳若思不想傷害動物全程忍淚拍攝？

今集《港女野人奇異記》製作組安排4位港女野人何泳芍(Honey)、胡美貽(Nicole)、廖慧儀(Jessica)和陳若思(Amber)跟着戶外探險及狩獵嚮導Pete Henderson去狩獵。事前知道需要打獵的她們，都對要殺害動物，甚為抗拒。特別是Amber，她直言：「聽到要打獵都唔係好想做，因為打獵，好似係我殺咗一個生命咁。」

保護本地物種

根據紐西蘭保育局資料，每年外來物種殺死當地鳥類好似鴞鸚鵡、奇異鳥等都差不多2500萬隻，所以當地政府都請獵人捕殺外來物種，例如老鼠、野兔甚至鹿，去平衡生態，而Pete除了一日三餐靠打獵為生，他的正職就是一位生態獵人。

在出發找Pete前，製作組先安排她們到戶外狩獵用品店，打聽一下，這裡的人，對狩獵的看法。Amber在進店不久便被頭上的鹿頭標本嚇倒，她好奇的問店員，為何這裡有Game bag，原來這是狩獵用語，Game Bag是指用來盛載獵物的袋。

Nicole則指紐西蘭大約有25至30% 的人口都拿了狩獵牌照，「然後真係去做呢個活動，但唔係for fun，佢哋真係要餵飽家人。」Amber表示：「有想過係咪要戒肉，自己好似殺咗好多動物咁，即使唔係親手，但都覺得自己好似殺咗啲動物咁。」

當她們找到Pete時，他就帶港女野人們參觀他的狩獵設備。

Nicole發現Pete的狩獵設備都是我們平時camping會用的東西，「有啲可能係極端天氣先用到嘅嘢。」Pete又讓她們試拿打獵用的槍。

Amber內心糾結 終忍不住淚

她們遇到Pete的女兒Lily，Jessica問她：「試過跟爸爸一起狩獵嗎？」10歲的她回答說：「有呀，試過幾次。」Pete表示自己不會迫女兒去嘗試，始終不是每個人都喜歡狩獵。

Amber聽着Pete說話突然想哭，當製作組問她所為何事。她說：「自己已經無諗嘢，可能聽佢講，就有動物死嘅畫面，咁我就想喊啦。」她續指：「雖然好多兔仔會影響佢哋果個地方，但我又覺得佢哋都好慘，好無辜，所以有啲唔開心。可能我同多兔仔有連結，我有養過，咁我哋好似屋企人咁，佢成日都會陪我瞓覺，我又會餵佢食嘢，咁我唔想知道關於佢打獵兔仔嘅嘢，我會覺得好難過。」

各有立場 啟發新想法

Nicole跟Amber坐同一輛車，看見對方一面糾結，Nicole問她：「係咪被迫嚟？」Amber指：「唔識講，你會食肉，但你又唔想係自己手去殺死果塊肉，好矛盾。」Nicole聽後直言：「人一定係做緊好多污衊嘢，但你唔去揭自己啫，你而家走去揭緊自己。」她接着又問同車的製作組人員意見，對方指件事無對錯，「好簡單係食嘢嘅時候個心態係點樣？」

而在另一架車的Jessica就表示：「同Pete一家人傾計，發現係大家由細到大嘅教育都好唔同，Hunting就好似去採購食物一樣，佢地自給自足嘅方法，其實唔一定等於不人道，反而啟發咗我，原來食物係可以咁得嚟嘅，會更珍惜食物。」

體驗開槍 Nicole實力驚人！

一行人來到Alexandra Base Camp紮營，Pete為何位港女野人進行射擊訓練，Amber被他示範的槍聲嚇倒。接着，Pete 讓她們逐一試試，「每人畀10粒子彈，5粒坐住射目擊，5粒企住射目標。」

Amber覺得開槍幾好玩，「開槍射中目標係會有快感，威力殺傷力好大，但又諗如果咁易做到嘅嘢，用喺人或動物身上，係好恐怖，所以我唔會想去打獵。」

而有玩開槍的Nicole，成功全中的實力讓Pete驚訝，她表示：「當我想像個標靶係動物嘅時候，你咁射過去，我果刻個腦係『嘩，隻動物喺我面前死咗』，因為我玩槍係Just for fun，去解壓，我無諗過之前開咁多槍係會結束一個生命。」

Honey開槍當刻覺得自己在打遊戲機，「但當射完之後，我就諗，我望住呢個位嘅畫面，係咪就係佢哋平時打獵嘅時候，望住隻鹿，果隻鹿最後一刻嘅畫面。」

Jessica的槍法也不錯，「我記得我係坐喺到5槍中咗，然後企喺到4槍中咗。」

進行追蹤獵物練習

此時，Pete發現山上有隻鹿，於是就跟她們進行追蹤獵物練習。她們沿途看到見到兔子的屍體，Pete指可能那處有其他害蟲攻擊牠而死。

當她們下山時見到刺蝟，Amber興奮地用手機跟牠拍照。Amber指不自己想干預牠們，「知道係自然定律，佢覺得刺蝟好細小嘅動物，力量未大到可以傷害我哋，覺得點解要殺佢。」

Nicole認為自己比較理性，她表示：「可能Amber覺得刺蝟好可愛，無對錯。但如果隻刺蝟真係破壞到呢到生態嘅話，我覺得Pete要做嘅嘢就應該要做。」

Honey覺得未必個個接受到Pete平時嘅做法，「例如Amber，仲未接受到呢個個概念，我哋去了解佢(Pete)嘅文化嘅時候，佢亦都想尊重返我哋嘅文化，佢都係就我哋嘅level 令我哋去了解佢嘅事。」