一條麻甩在汕頭丨王祖藍曾向京劇大師于玉蘅拜師學藝 拜會國家潮劇一級演員大晒京劇花旦功架

全新旅遊節目《一條麻甩在汕頭》，由王祖藍擔任主持，於本星期一至五晚10半翡翠台播出。身為東莞人的祖藍、上輯由麥長青手上接過「麻甩棒」後帶大家食盡家鄉東莞地道特色美食，節目當時無論在myTV SUPER或周六晚翡翠台播出均獲得不少迴響及正評。

今季載譽歸來的「麻甩系列」，轉移到汕頭食買玩。昨晚（13日）播出的第三集，祖藍主攻潮汕「非遺美食」，包括馳名的潮汕滷鵝，及真材實料的潮汕墨魚丸等。兩樣「非遺美食」中，以全鵝宴較為大陣仗，除了有齊鵝肝、鵝掌、鵝翼、鵝腸等港人喜愛美食，及港人甚少接觸的鵝肉丸外，足足半個人咁大份量的「老鵝頭」亦相當吸睛，老闆透露售價逾千港元的「老鵝頭」，單是半塊鵝頭皮叫價已達120人民幣！雖然價錢不算便宜，但祖藍品嚐過後大讚好味，除了因為有濃濃滷水香，亦因為鵝頭皮甚有嚼勁及食落黏嘴，祖藍邊吃邊讚嘆謂：「無論鵝肝同鵝肉都幾乎冇乜脂肪，香得嚟唔肥，珍貴程度不下Toro。」祖藍續指作為「非遺美食」的潮汕滷鵝，皮、脂肪及肉的比例必須達到 1:2:7，且要層次分明、肥瘦平衡，要求相當嚴謹。