《中年好聲音3之決戰新馬》今晚(1日)起、逢周日晚8時30分翡翠台播映,節目由車婉婉擔任主持,評審團有肥媽、張佳添、周國豐、伍仲衡和曾路得。陳麗寶和王鄭浚仁這兩位選手值得關注,55歲的美容醫師陳麗寶獻唱《 When You Tell Me That You Love Me》,來自印尼的她是一名華僑,但她原來一點中文都不認識,全靠朋友介紹才知道有《中年好聲音》這個節目,婉婉笑言:「我哋個節目幾成功,人哋都唔知我哋個節目做乜都嚟參加,我係咁講嘢佢都唔知我講乜,但佢都嚟參加!」陳麗寶雖然不懂中文,但她會唱中文歌,她即場清唱幾句《老爸》,肥媽大讚:「你唱歌好有感情。」36歲的服裝銷售員王鄭浚仁實力不容忽視,獻唱《同花順》的他完美駕馭假音轉換,演出獲得一致好評,周國豐說:「呢首歌超級難,你除咗喺技巧上控制到呢首歌,仲有感情發揮到出嚟。」出名奄尖的伍仲衡同樣大讚:「你有一樣嘢我鍾意,You don’t show off, 你好自然咁將情感流露出嚟,你第一段出嚟已經懾咗我入去,你啲中低音好好聽,同埋You know how to tell the story,Very Good。」
中年好聲音3之決戰新馬︱55歲陳麗寶唔識中文照玩《中年好聲音》 王鄭浚仁完美駕馭假音轉換獲好評
點讚
分享