《中年好聲音3之決戰新馬》明晚(8日)8時30分翡翠台播映第二集,節目由車婉婉擔任主持,評審團有肥媽、張佳添、周國豐、伍仲衡和曾路得。今集輪到餘下10位的新馬賽區參賽者登場,同是駐場歌手的韓依納及蕭偉倫實力不容忽視。
57歲的韓依納獻唱《浪子心聲》,一開口即引起極大關注,皆因其靚聲與新加坡歌手陳潔儀似到十足,伍仲衡說:「你把聲好入咪,我真係以為陳潔儀唱緊。」他又大讚韓依納感情真摯:「你唱呢首歌唔係靠唱功,反而呢個仲難,你唱出咗個味道,你喺啲Verse度唱到,好touching。」張佳添亦說:「雖然你57歲,但你有把好年輕嘅聲音,你係一個有氣場嘅歌手。」 39歲的蕭偉倫獻唱《最愛的你》,其磁性靚聲獲評審大讚,肥媽說:「好多人以為阿倫(譚詠麟)啲歌好易唱,其實唔係,你把聲磁性好厚,所以你係有着數。」蕭偉倫除了靚聲屈機外,他的超高身高亦搶去不少焦點,婉婉笑言難得在舞台上要岳高頭望人,偉倫透露曾代表過馬來西亞打三人籃球賽,但現在已經退役。