感動味蕾美食餐廳100強-關西篇︱王敏奕啪爆脂肥肉入口　米芝蓮推介炸豬扒飯5,000日圓就食到

之後三人轉戰米芝蓮必比登推介餐廳，以5,000日圓（約241港元）品嚐性價比超高的炸豬扒飯。餐廳以金華豬做主打，主理人古谷先生以獨家手法炮製厚切炸豬扒，敏奕品嚐炸豬扒時嚷着要點醬汁，Jarvis即大搞爛Gag：「日本有好多匠人，而你就係『醬人』。」敏奕聞言即時Dead Air，場面搞笑。Jarvis大讚炸豬扒肥肉是焦點：「有少少肥嘅位，一口咬落去，肥嘅油滲番去瘦啲嘅肉度，喺口入面自己混和咗。」美食當前，王敏奕亦無視卡路里，將整舊肥肉啪落口：「我平時食炸豬扒唔過三件，但我今日係不停咁食！」

最後三人去到兵庫縣一間曾獲米芝蓮2星的餐廳品嚐壽司，主理人松本先生從未有過在壽司店學師的經驗，因此他炮製的壽司與眾不同。該餐廳人氣超強，預約時間已排到一年之後，其中一道以竹葉包裹的鯛魚壽司最為特別，Jarvis驚嘆：「好似拆禮物咁，呢個喺我食壽司嘅Data Base未出現過嘅味道！」王敏奕亦大讚絕對值得一試：「完全明白點解咁難Book！」