東張西望狗婆｜鴨寮街「狗婆」轉場繼續霸街擺賣 一招走法律罅避食環署執法？居住公屋都變私人貨倉！

東張西望狗婆事件！幾年前，《東張西望》曾經報道過鴨寮街「狗婆」植小姐長期霸佔後巷通道一事，「狗婆」的霸佔行為極大程度上影響了周圍人生活及生態環境，且試過引發火警，存在安全隱患。當年事件引起全城熱議，連特首都有留意，經過多個政府部門配合後，終於把她霸佔的後巷重見天日。不過多年後的今天，「狗婆」已經拉大隊轉戰去到戰巴域街及南昌街的橋底，而他們霸佔的地方更大，甚至連馬路都要霸佔，並且每天都會在此處進行擺賣，既阻車又阻人，亦有街坊表示曾被她們攤開的物品弄到受傷，叫苦連天。

據前晚（15日）報道，主持黎寬怡欲向「狗婆」拍檔證實情況，但被大聲呼喝，大叫：「哎呀哎呀，行開行開，唔講呀！唔好問我！」，更用手撥開黎寬怡，致其連連後退。之後黎寬怡再繼續詢問這位女士是否認識「狗婆」，卻遭到了更激烈的「行動」，只見她衝向攝影師，大叫：「做咩影我呀？」，並意圖搶走攝影師手上的攝影儀器。

昨晚（16日），《東張》繼續報道此事，原來狗婆就住在附近的公屋，而狗婆與拍檔的婆婆分工合作默契，懂得如何在「做生意」時避開食環署的執法。原來食環署每日都會到現場拍照，拍完照，站一陣會離開，婆婆們見到食環署執法人員就會將東西逐一搬上行人天橋，而行人天橋則屬於房屋署管理，來回「搬家」可以逃避責任，等食環署執法人員一走，婆婆們就會繼續回來「做生意」。

狗婆見到《東張》拍攝，她就拿著手機反拍攝影師並激動地說：「你影我做乜先？我問你！你係邊個部門㗎？係咪《東張西望》啊？出嚟作嘢呀嘛！出嚟玩嘢呀嘛！屈人哋呀嘛，係咪啊？男人老狗！」狗婆邊走邊罵，並到天橋下提醒拍檔要小心節目組的工作人員。跟著狗婆在天橋上留守，看守著「貨物」，但趁《東張》沒留意時就立即逃走，黎寬怡繼續追訪她：「點解你啲嘢擺晒出嚟呢？但係你又唔執返好嘅？同埋好多街坊話你喺附近住㗎喎，點解唔返屋企瞓，要喺條街瞓嘅？同埋你就咁走咗你唔擔心自己啲家當咩？你係唔係同其他婆婆一齊夾份係度做生意？」狗婆突然又走回天橋，完全沒有理會跟在後面的主持及攝影師。走回天橋後，坐上單車並大叫：「做咩啊？行開啲，非禮！報警拉你哋！痴線㗎真係！你非禮啊！狗婆啊！狗婆，我問你係咪狗婆，狗婆啊，我問你啊，邊個係狗婆？我依家問你啊！狗婆呢？我問你啊！邊個叫狗婆？」狗婆罵完後便架著單車不顧馬路上的紅綠燈離開，而食環署亦在數天後清理了巴域街及南昌街橋底的雜物。

《東張》再揭狗婆在石硤尾邨有個公屋單位，而她同樣把附近的地方都霸佔，做自己的私人貨倉。今晚（17日），《東張》會繼續播出狗婆霸佔公屋地方的報道，敬請留意。