與天地對話｜林盛斌憶述太太第四胎流產經過 難忘二人悲痛許願：如果你想返嚟，我哋隨時歡迎你

林盛斌（Bob）出名無所不談，昨晚他在台慶綜藝節目《與天地對話》中罕有地提及當年太太不幸流產的遺憾，及當中的神奇遭遇。娛樂圈馳名「多仔公」阿Bob與太太黃乙頤一直十分喜愛小朋友，因為他們覺得小朋友能帶來希望及歡樂，就在他們決定生第四胎時，不幸的事情發生了：「嗰陣同太太商量不如生多一個，跟住就努力造人，然後好彩好快就成孕，但又好唔好彩咁陀咗2-3個禮拜左右，我太太話畀我知小產咗，嗰一刻都係唔開心同失落嘅。」

不過向來正面的阿Bob，決定再努力嘗試的同時，並在朋友的佛堂為逝去的小生命進行儀式：「希望佢可以去到佢想要去嘅地方，我好記得我同太太喺喇嘛師傅念緊經時，我哋不約而同喺心入面同BB講：『如果你想返嚟我哋呢一個屋企，你就返嚟啦，我哋隨時歡迎你。』唔知係神明保佑定係點，隔咗大概一到兩個月左右，（太太）真係又有咗，就係依家嘅細佬，我哋好開心、好感恩。」