與天地對話｜林盛斌揭當年買鹹碟引爆人生最大公關災難 半夜直闖便利店等消息兼逐一致電客戶道歉

今晚一集，林盛斌（阿Bob）會暢談人生「最大一次公關災難」：「大到令我覺得可能要玩完，就係12、3年前第一次上雜誌封面，我記得封面出街前，嗰晚有個朋友打畀我，話：『喂Bob，我收到風呀』，我問咩，佢話聽朝某某周刊封面主角就係你，佢影到你買鹹碟，我話吓？咁大鑊？」

坦言那刻覺得簡直是「世界末日」的阿Bob，馬上於半夜時分闖進便利店：「我凌晨四點幾五點，就去咗屋企附近間便利店坐喺度等，好似人哋做戲咁，好想買晒啲雜誌佢，唔好畀人哋睇到。」阿Bob到現在還記得當時雜誌封面的字眼：「雜誌封面係話：『好男人人設崩壞，買四仔』。跟住我心諗死火喇、大鑊喇， 我第二朝就打電話畀喺澳門嘅老闆，我話我喺香港出咗事，可能我要過嚟澳門喇，你可唔可以收留我？」、「嗰陣我覺得直頭要轉行做第二樣嘢，嗰陣其實我屋企都已經有兩個小朋友，我唔可以冇收入、唔可以唔揾食。」