阮浩棕為母校做司儀 原來「這名校」出身勁猛料 流利中英雙語淡定又得體

阮浩棕接受tvb.com訪問時表示，原本與同為校友的周奕瑋（Jarvis）一起擔任「雙司儀」，惟對方工作檔期未能配合，最終獨自上陣；今次為母校擔任司儀的最大感覺，他坦言已多年沒做司儀，初時擔心生疏應付不來：「發現又冇好緊張，仲帶動到氣氛，覺得幾成功。最開心係完騷後，有師弟話覺得我做司儀好好睇，好少聽到人話我做司儀好睇，所以呢個comment係開心嘅。」續透露當晚其實有驚險位：「Cue card個扣爛咗，好彩公司同事即刻拎咗個鎖匙扣圈嚟代替，先順利完成到件事。」

阮浩棕指年度晚宴其實早於上月底舉行，當時《異空感應》僅播了一星期，但已經吸引不少人向他探討劇情：「佢哋對劇好有興趣，覺得好睇，想知我同家樂段戲，我叫大家追落去，係一套燒腦劇集。」