異空感應｜阮浩棕正日生日拍入院戲晒超強胸肌 陳家樂即興「鹹豬手」嚇窒陳曉華

網民封「大波波」：咁大隻得唔得？

原來家樂與阮浩棕唔止三角戀咁簡單，昨晚（4日）劇情講到Duncan（阮浩棕飾）之前因為一個舉手之勞，竟令神經質女子Candy（丁樂鍶飾）瘋狂愛上自己，Candy除了在Duncan活動範圍失驚無神老是常出現，到處聲稱是Duncan女朋友外，還騷擾到Duncan身邊人…Duncan忍無可忍下決定攤牌，豈枓因而刺激Candy情緒、發晒癲大聲吼叫兼玩自殘，混亂間Duncan遭意外刺傷送院。在Duncan留院接受治療期間，由於要包紮傷口關係未能扣上上衣鈕扣，以致內裏的超結實胸肌若隱若現，加上阮浩棕自身的高顏值，成功在網絡引發熱議，民除留言：「你咁大隻得唔得？」，更以「大波波」形容阮浩棕，相當搞笑。

談到醫院場口，阮浩棕在IG透露是女PA即場雀躍地轉達導演要求指要「解開啲鈕」，並透露由於拍攝當日「撞正生日」，故獲同場的家樂及曉華送上蛋糕慶祝，豈料期間竟有人伸出魔掌，令他大嘆：「娛樂圈真係好黑暗呀！」觀乎阮浩棕上載的短片，伸出鹹豬手的真兇是陳家樂！只見陳家樂全程笑住為阮浩棕寬衣解帶，阮浩棕無奈地任人魚肉的同時，陳曉華則嚇至掩晒眼。問到有圈中「隱藏版大隻仔」稱號的阮浩棕拍攝前有否刻意操胸，他透露於開劇前已接獲Amy姐order要練大隻，並花了約一個月時間日日做gym build肌，阮浩棕更乘機賣關子謂：「我之所以要練大隻，係同Duncan嘅背景有關，大家繼續追落去就知架喇。」