異空感應｜蔡誌恩演「衣冠禽獸」再晒陰奸功！與周慧敏認識超過13年‧私下原來係「TVB捐血王」！

及後Madam焦等人驚揭文輝除了真的有SM癖好，更疑似威逼利誘前妻馮卡雯（張美妮飾）齊齊玩3P…今晚一集將還原文輝生前如何對卡雯處處進逼一幕，屆時蔡誌恩將再度爆發「陰奸」潛能，完美演繹文輝禽獸真面目！相比《黑色月光》，蔡誌恩在《異空感應》中還額外展現了一身完美身形！值得留意的是，現年45歲的蔡誌恩，於2021年才正式開始陸陸續續參與無綫劇集拍攝，之前曾任職新聞主播、模特兒等不同類型工作，被譽「打工天王」。（相關新聞：黑色月光丨林夏薇「反骨跟班」蔡誌恩真實身份係打工天王！）雖然已年屆40有多，但蔡誌恩依然擁有超強Body，更因早年曾在社交網大晒「朱古力腹肌」，成為圈中知名「隱藏版大隻仔」。

除了睇得、蔡誌恩亦相當「打得」。據劇集監製王心慰（Amy姐）透露，蔡誌恩是其中一個令她相當難忘的新演員，事緣拍攝其中一場跳橋戲時，Amy姐原本已安排好替身，但蔡誌恩堅持親身上陣由橋上跳落地面，而且跳完橋後還要緊接做出滾地動作，令Amy姐有感其方是可造之材。談到Amy姐，蔡誌恩接受tvb.com訪問時坦言十分感激對方：「Amy姐係第一個見到我另一面嘅監製，其實佢唔識我，嗰時我只係拍過《逆天奇案》，但有一日我收到Amy姐電話，問我有冇興趣試吓咁嘅角色，當時都覺得好大挑戰，好多謝Amy姐咁大膽畀我試，呢個對我嚟講係一個鼓勵。」由於蔡誌恩接連有劇推出，加上角色均頗有記憶點，有網民質疑他有後台撐腰，對此蔡誌恩笑言：「我都想有，哈哈，講笑。其實只係咁啱有兩套劇同時間一齊出，加上角色咁大反差先令大家留下咁深印象。」

說到跳天橋場口，蔡誌恩透露拍畢後雙腳嚴重浮腫，致命傷則是皮鞋：「我記得條天橋大概超過五米高，因為要就鏡頭，第一層跳落去係冇嘢墊住。雖然我細個有玩開擒木架冇話特別驚，但因為著住皮鞋跳冇避震，落地時食晒力接到腳踭腫晒，但拍嗰時其實唔覺。」談到另一場全身近乎赤裸的焦點場口，蔡誌恩笑言將「人生第一交」獻給了《異空》：「其實喺拍五花大綁場口前九個鐘，我都係拍緊打鬥戲，仲要印象好深刻。因為我係第一次打人同埋第一次畀人打，屋企人都冇打過我，我哋嗰日打咗好耐，由廳打到入房，又碌地又撞牆，又因為我著浴袍冇位戴護墊，加上冇經驗，所以全部動作用晒真力去做，結果拍完先發現成身瘀晒，連手指都瘀埋！拍五花大綁最搞笑係化妝師話我成身瘀晒，只需要補少少血痕就可以埋位，我又可以乘機恰吓補充體力，當時我近乎虛脫。」

對於五花大綁致身材再惹關注，他透露現時仍保持著每星期抽四至五日做gym的習慣，翻查其臉書，發現他有多張捐血照片，對此他坦言已維持了足足二十五年定期捐血的習慣，前後捐了250多次血，當中包括全血及成份血。蔡誌恩透露初期捐血主要以全血為主，後來認識了成份血後就主要以捐成份血為主：「我1999年開始捐血，大概去到二零零幾年開始，我先至開始捐成份血，最多一年可以捐24次。以我所知，全血嚟講，男士大約75-80日捐一次，女士就3個半月左右捐一次。」

另外蔡誌恩的臉書還有大量與「美魔女」周慧敏Vivian合照，蔡誌恩回應指與Vivian 於2011年在教會認識對方，並謂周不時會拉隊支持Vivian：「我哋小組每逢星期日都會一齊查聖經、祈禱，大家關係都算close。」