異空感應丨阮浩棕與陳家樂「愛的抱抱」兩連攬獲封「最強CP」 陳曉華拍攝現場睇到吚嘩鬼叫！

而首個星期單元個案—強拍案的幕後大佬，是「奸人專業戶」鄭子誠飾演的范爺，由於方以信一直密謀退出強迫事件金盆洗手，事件觸怒范爺令Jason及其好友Duncan（阮浩棕飾）齊齊被綁架；幸好二人最終成功脫險逃離賊竇，Duncan為了救Jason更一度失蹤…昨晚綁架場口，阮浩棕及陳家樂一度上演「愛的抱抱」，由於二人顏值同樣高企，成功引發網民熱討，並笑言陳曉華才是第三者：「原來Jason同Duncan先至係真愛」、「呢吓擁抱，Dr與法醫仔好有愛」、「Dr同法醫仔係最強CP，Madam唔好諗住做第三者。」對於與家樂攬攬場口引發熱討，阮浩棕受訪時笑言：「嗰個兩連攬真係太有愛意，我哋拍時其實冇特登話要營造啲咩CP感出嚟，但我自己後尾睇番都有啲面紅。我記得拍嗰日陳曉華都喺現場，佢就睇到𠲖嘩鬼叫。」

談到第一集與緋聞女友何沛珈同框亮相同樣引發熱討，阮浩棕回應之餘竟順勢幫劇集做宣傳，認真叻仔：「都開心嘅，證明咗大家睇得仔細同投入。其實呢套劇隨住劇情推進，會愈嚟愈燒腦，大家要睇得好仔細去搵蛛絲馬跡。」翻查資料，阮浩棕與何沛珈已非首次合作拍劇，二人除了之前曾合作《靈戲逼人》，在尚未播出的《非份之罪》亦會有對手戲，且互動場口更多。對於網民期待二人在《異空》稍後劇情中有更多互動，阮浩棕說：「我哋唔係好多同場架咋，同埋有我哋同場，都一定有陳家樂。」並忍不住讚嘆陳家樂真的很靚仔：「我試過望住佢側面，好似望緊藝術品咁。」何沛珈亦曾在訪問中公開取笑阮浩棕望著陳家樂的眼神很奇怪：「佢好奇怪，成日纏住Doctor，望住Doctor嘅眼神又好奇怪。」其實阮浩棕是次演出絕對贏盡好評，除了顏值獲肯定，網民亦讚他演技大有進步、兼且所有場口都努力地做足反應，絕對是值得力捧的專業演員。