奔跑吧！勇敢的女人們｜賴慰玲「找數」晒與蕭正楠學生造型真身 網民驚艷：唔使AI都好OK

除了「找數」，阿賴還公開了20年前與阿蕭的合照，原來二人20年前因合作舞台劇結緣，阿蕭更透過一包薯片釋出了「暖男本色」，阿賴寫道：「成個故事由20年前開始講起，係真係20年前。我細細個就有幸同Edwin哥哥一齊演出舞台劇，Edwin哥哥當年做嘅鐵郎博士令人印象深刻。仲記得當年演出期間係我會考放榜，好似有科唔合格，我有啲唔開心，Edwin哥哥就請我食咗包薯片，簡直係關心後輩嘅典範！」

阿賴自揭畀蕭正楠搞到笑唔停：佢擰歪面都擰得好好笑

「相隔20年，有機會同Edwin哥哥再次合作，一齊再演活返20年前嘅自己，
見到Edwin哥哥將角色演得如此油膩有趣，實在令後輩大開眼界！」之後阿賴更Hashtag了「#以前傾食咩薯片」及「#而家傾懷孕育兒」，來表達與阿蕭之間的話題，而由當年的零食轉為今時今日的湊仔經，相當溫馨！阿賴接受tvb.com訪問時，亦忍不住大讚阿蕭勁好笑：「我真係估唔到佢咁好笑，有好多次我望住佢做戲，我笑到停唔到，我要佢擰歪面，但係佢擰歪面我又覺得佢擰得好好笑。結果佢真係停咗喺度問到底點先可以幫到我唔笑。」