巾幗梟雄之懸丨陳楨怡民初旗袍晒逆天長腿大殺四方 「聲演」胡定欣莊思明難度高狂NG

獲黎耀祥在旁打氣

第八集其中一大亮點是陳楨怡（Celina）的「扮聲」演出，其實在第六集，寧利已模仿過七爺的聲音向鄧家騙財贖金，值得留意的是，Celina在劇中扮「七爺」和「阿儀」說話時，表情和狀態不但因著二人性格及語氣的差異而有所變化，就連口形亦與對白夾到準一準，當中尤以「記住唔好報警呀」這句表現最為出色。談到相關場口，Celina說：「呢場戲係有難度架，亦係NG最多嘅一場。佢哋畀咗定欣同思明嘅VO我，我就不停咁練佢哋嘅語氣同語調，要喺固定秒數內講完嗰句對白，因為咁先對到嘴形。我一路拍一路諗住佢哋嘅語氣，同時要表情管理同記對白，所以就難度更加高。我記得我係拍到黐脷筋，我仲問祥哥點算、係咪Lur晒脷？祥哥都好好係咁咁話ok同叫我加油。」而對於十七想到找寧俐扮聲錄音反擊，網民看畢大感暢快，留言：「終於有返《巾幗1》做場大龍鳳反抗嘅感覺。」

每次拍劇均為觀眾帶來驚喜的Celina，這次在《巾幗4》飾演機心極重的角色，但根據劇情，寧俐暫時還未露出狐狸尾毛，故網民的焦點，暫時落在Celina的民初造型上。由於Celina先天條件優秀，不但皮膚白裏透紅、身形亦相當高䠷纖秀，故在劇中的旗袍造型可謂「大殺四方」，早前Celina在社交網貼上相關造型照，即引發大量好評，網民留言：「你好漂亮好喜歡你！」、「你穿這種復古衣服、裝扮的造型真的超級靚！超級顯氣質，好襯你！」