巾幗梟雄之懸崖｜羅天宇晒完美線條背後烏龍百出 親揭地獄式甩水過程：24小時冇飲水

羅天宇今晚一集獄中的剝衫演出亦相當震撼眼球，雖然相關晒肌場口只有不足半分鐘，但除了結實的胸肌令人眼前一亮，天宇練至條理分明的背肌亦相當搶焦。天宇受訪時透露了拍攝場口搞笑事，事緣他接到劇本得悉要晒肌後，早於埋位前三個月已努力Keep線條練大仔，豈料拍攝當日不但撞正低溫，負責的導演竟沒有叫他剝衫的意思，令天宇一度以為連月來的努力要白費：「去到拍嗰日都差不多尾聲，仲覺得自己準備咗咁耐，拍完可以盡情食嘢興致勃勃咁。我記得嗰日超凍，零度以下左右，我拎住劇本導演時，佢話：『唔使除啦』，我就：『吓？但呢度寫住赤裸上身喎，我為咗呢個三角形準備咗唔少時間喎。』因為我拍之前七日度已開始甩水，即係頭幾日飲好多公升水，三到六公升水，跟住慢慢cut，cut到最後一日24小時唔飲水。我跟住話我24小時冇飲水，可唔可以都拍一拍？佢就話：『你除啦』。」