巾幗梟雄之懸崖丨71歲謝雪心旗袍Look意外露美腿勁搶 感激父母優良遺傳

其實心姐大晒美腿早有前科，心境依然勁青春的她，早前以cosplay造型在內地出席動漫節活動時，已獲大讚皮膚白滑。

談到保養心得，心姐笑言要多謝父母：「真係要多謝媽咪，皮膚真係有啲先天嘅，因為我一向都唔係好識保養，尤其我哋以前一路係運動員，連防曬都唔識用，真係要多謝父母嘅遺傳。依家我有時返內地拍戲係乾燥啲，就會幫對腳搽吓cream。」翻查資料，因體弱學習游泳的心姐，小學時候已參加由香港舉辦的渡海泳，並憑擅長的背泳曾經奪得多項游泳獎牌，認真多才多藝。