《家族榮耀之繼承者》由梁家樹總監製、陳德修、蔡晶盛監製、蔡晶盛及陳新俠編導,昨晚(24日)播出的第十二集,焦點劇情落在智斌(羅子溢飾)、馬曉靈Linda(王敏奕飾)及大馬拿督千金Gigi(梁諾妍飾)的三角關係上。
延伸閱讀: 家族榮耀之繼承者劇情|全30集劇透懶人包(持續更新中)豪門上演大惡鬥 佘詩曼/林峯/羅子溢/羅嘉良
為了順利完成賭場簽約,智斌利用Gigi身份接近拿督拉關係,更不惜出動「打拳苦肉計」,結果成功冧掂Gigi。不過智斌真正鍾情的,其實是貼身秘書Linda,為了接近Linda,更多番假公濟私約Linda食飯兼齊齊飛去馬來西亞處理賭場簽約事宜。正當智斌以為可與Linda在馬來西亞共度浪漫一夜時,Gigi卻突然殺出,並因Linda打翻醋罈…正當Linda準備黯然「退出」時候,智斌即上演「霸道總裁」式強吻及壁咚攻陷Linda芳心,加上霸氣愛的宣言:「由呢刻開始,你唔單止係我秘書,仲係我嘅女人,我唔想再見到你同其他男人喺埋一齊」,看得不少網民面紅耳赤。
之前王敏奕在《婚後事》中憑「最靚小三」一角贏盡熱話,而在《繼承者》中,敏奕繼續大拋「盛世顏值」,飾演睿智又懂事的秘書Linda;為了配合角色,敏奕多以斯文OL Look上陣,每套均是仙氣十足;配以Linda不時流露言聽計從及冧笑等「心動系」表情,自然成為劇集一大亮點。