拍檔廚房丨陳煒眼紅紅首談與亡母難忘回憶梁競徽有感父母已老去學「拆骨」

點讚

撰文：爆炸頭七蝦

發佈日期：2024-06-19 10:21 更新日期：2024-06-19 10:24

《拍檔廚房》由方力申、黃翠如主持，名廚黃永幟（幟哥）、顧紀筠（顧老闆）擔任主席評判，美食達人鄧達智及管弦樂指揮家蘇潔明則擔任本周客席評判，四個回合累積分數較高的一組將會出線。

本周嘉賓是陳煒（煒哥）和梁競徽，分別夥拍餐廳行政總廚譚以健（Ken）和酒店行政總廚邵德龍組成拍檔，經過三輪激烈比拼，梁競徽組以44分暫時領先、煒哥組則以42分落後，兩隊超高班拍檔組合，被顧老闆形容為「武林高手」。今晚（19日）播出的第九集，來到最終回合的「主題故事Omakase」，煒哥組和競徽組分別以「思念的滋味」及「愛與承」為主題，兩人分享時均忍不住熱淚盈眶！

先講煒哥與Ken炮製的三道菜式：「藍龍蝦，百合彩色車厘茄，話梅沙律汁」、「蟹湯燴刺參蟹汁年糕」及「花膠龍眼意大利奶凍配36個月西班牙火腿配食用菊花糖」，結合了兩位廚師對過世親人的思念。煒哥透露母親多年前因病離世，在母親患病期間，煒哥不時煲花膠及海參給病母補身，有次病母得知女兒所買的食材如此昂貴後竟和女兒吵起來，陳媽媽當時更激動至流下眼淚，陳煒憶述：「相信佢係覺得個病拖累咗我，所以唔開心流眼淚。嗰時同佢嘈咗兩句我返咗房，過左十零分鐘，突然聽到『嘭』一聲好大聲，好似有嘢跌落樓嘅聲！我嗰刻好驚，個心跳咗出嚟，好慌咁即刻衝出廳，好彩我媽媽仲坐喺度睇緊電視。嗰刻我終於知道自己錯，可能我覺得好嘅嘢，唔代表喺媽媽立場係一件好事。」煒哥眼紅紅表示從沒跟人提過此事，如今說出來後反而感到釋懷：「希望媽媽在天會接受我嘅道歉。」

而梁競徽與邵師傅所炮製的三道菜式為「酸辣紅蝦牛油果」、「拆骨魚頭煎蛋」及「鮮百合翡翠甘露」。梁競徽坦言近年對感情、親情、友親有更深體會，尤其到內地工作後、才意會到父母年紀真的不小了，他一度哽咽地說：「唔珍惜嘅話好多嘢都會錯過。爸爸媽媽都好鍾意食魚，但佢哋唔係好識噒骨，加上年紀又大，怕咗唔敢食。邵師傅就諗咗呢個拆骨魚頭煎蛋，等佢哋可以好放心咁去食魚，呢個係『愛』同『承』，係傳承咗中菜嘅文化、技巧同諗法。」

「一啖一份愛，一啖一份淚！」兩組鬥足四個回合後終於分出勝負，比拼分數更創下新高達五十多分，最終兩組只是一分之差，到底哪組可以成功出線？密切留意今晚一集《拍檔廚房》。