巾幗梟雄之懸崖｜海俊傑再演壞人憑「二撇雞」突圍坦認愛演奸角獨家親揭暴瘦真相

撰文：電視精二師兄

發佈日期：2024-11-07 15:30 更新日期：2024-11-07 17:19

《巾幗梟雄之懸崖》昨晚（6日）一集劇情講到，七爺（胡定欣飾）因柴十七（黎耀祥飾）救命之恩深被感動，遂出盡全力幫十七恢復記憶並因而荒廢公事。七爺此舉令向來對其財勢及權力虎視眈眈的新爺（海俊傑飾）乘機大搞小動作，到處散播謠言毁壞七爺與十七清譽的同時，又拉攏其他小股東齊齊罷免七爺永業銀行總經理職位…就在七爺最危險一刻，十七突然恢復記憶，在股東大會上一輪嘴數落新爺，兼且句句中point，絕對大快人心！

延伸閱讀： 巾幗梟雄之懸崖線上看劇情劇透｜全25集懶人包（持續更新）黎耀祥/胡定欣/蕭正楠/羅天宇共譜亂世情緣

至於拍劇資歷長達29年的海俊傑，近年憑藉演壞角色深入民心，其中《星空下的仁醫》的「衰院長」周振堯一角，更讓海俊傑獲得最佳男配角提名。今次海俊傑飾演的新爺同樣乞人憎，過半數表情都是衰衰格格，處處針對親妹七爺、狗眼看人低兼惡人先告狀之餘，又實力欠奉、貪戀酒色兼小心眼，「擾攘程度」直逼《巾幗2》經典角色梁非凡。海俊傑受訪時笑言自己演藝生涯中，有半數作品都是飾演奸人，並笑言演衰人好好玩：「首先多謝嘟嘟監製俾我一個咁好玩嘅角色，我記得上一次喺《星空下啲仁醫》做衰院長，每一次落街啲人都會話：『咦院長喎，好乞人憎喎，跟住第三句咧，就問你可唔可以同你影張相架喇。咁今次巾幗梟雄我落到街都系有一樣嘅反應：『喂你好衰喎！想打你喎，但係可唔可以影張相啊？咁我覺得即係都幾成功咯。」

+20

角色夠衰格，海俊傑的「二撇雞」及圓框眼鏡絕對功不可沒，原來兩個特徵都是海俊傑親自建議：「我留胡鬚哩留得好快嘅，咁我就留咗個二撇雞，望落自己都覺得衰衰格格架喇。而試完個造型之後，監製見到都話入型入格。」談到在劇中感覺暴瘦不少，海俊傑回應指並沒有刻意減肥，只是因為近年太頻撲：「因爲近年其實都好頻撲啊，又喺香港搬去內地咧，前後都搬咗三個地方，亦啱啱返咗去美國探80大壽嘅爸爸啦，阿妹又結婚啦，變咗都頻頻撲撲。大家可以放心，只要我食番嘢同做番運動咧，就完全冇問題嘅，多謝關心。」

不說不知道，海俊傑是昔日當紅花旦陳慧珊表弟，有八份一英國血統；海俊傑父親深諳蔡李佛拳，更曾與同班同學李小龍切磋武藝。海俊傑於於1994年參加《第十三屆新秀歌唱大賽》並獲得冠軍入行。