玩轉深中懶人包︱薛家燕歎脆皮叉燒重現《食神》名場面　着民初衫遊江自爆甜爆初戀史

之後一行去到三十三墟老街打卡，陳曉華傳授家燕姐「三痛」影相大法，家燕姐大擺腰痛、 頭痛和頸痛動作影靚相，場面搞笑。另邊廂，何廣沛、阮浩棕、張彥博和林正峰大歎因內地劇《狂飆》Hit爆的豬腳麵 ，四子為了吸人氣升呢做主角，瘋狂爭食豬腳麵！最後一站，一行去到有廿多年歷史的餐廳食好西，家燕姐走入廚房學整台山著名的黃鱔飯，節目還會公開製作秘訣。該店馳名的脆皮叉燒曾於美食節榮獲金獎殊榮，家燕姐品嚐後重現《食神》經典名場面，大嗌：「從來未食過咁好味嘅叉燒！」

明晚（5日）最後一集， 繼續留在江門由朝食到晚，分別品嚐了豬雜粥、江門五邑菜及特色荷花宴。一行人走訪由江門舊廠房改建的文創區「江會伍柒」，還幫襯了由資深藝人古明華開辦的茶餐廳，古明華親手為家燕姐沖了一杯招牌DIY奶茶，家燕姐冧爆說：「真係甜到入心！」一眾主持還去到開平赤坎古鎮遊覽，他們還齊齊換民初衫坐船遊潭江，期間家燕姐興起大開金口唱歌，還自爆Sweet爆初戀史：「我以前拍拖真係撐過艇仔，佢（初戀男友）唔知點解愈坐就愈埋，咁咪擁抱吓咁囉！」