家常便飯爭霸戰丨林沚羿率家燕姐大跳「江南Style」 爸爸林迪安9歲開始下廚靠十蚊搞掂成家伙食

煮食節目《家常便飯爭霸戰》由薛家燕、冼靖峰、關楓馨、阮浩棕擔任主持兼負責向敗方頒發「美味星章」決定「復活敗者」誰屬，粵菜名廚「三姐」蕭秀香則擔任終極評審。

昨晚（11日）及今晚（12日）播出的一集，星級試食員分別是麥潔文與女兒陳薔天（天天）、林沚羿Venus與爸爸林迪安，兩組母女／父女檔均表現溫馨，當中尤以Venus與爸爸最為糖黐豆，二人除了甫出場即大做心心手勢，兼搭晒膊頭Friend到痺外，創意無限的Venus介紹參賽者的自選菜式「江南白花雞」時，更忽然靈感到率領爸爸及家燕姐大跳早年盛極一時的《江南Style》，場面爆趣。

活潑的Venus，試食時還連環大派可愛表情包，並一度重現極度卡通化的「美味眉」，更食家上身大派食評：「蝦餅爽口彈牙，豆腐有啲稔，個皮又夠香脆」、「芝士、牛肉同個蛋好濃郁，番茄嘅清新味道又中和番」。至於林迪安的食後感則明顯比Venus嚴謹得多，他透露因為家庭環境關係，年紀小小已是伙頭仔，更笑言：「我係畀動作耽誤咗嘅廚師嚟！我九歲開始買餸，揸住十蚊買晒一屋企人嘅餸架喇。」更笑言家中的下廚工作是有「分級制」，欲知詳情密切留意今晚一集。