在香港,讀書似乎是成功的唯一道路,但其實除了讀書,找一門有興趣的東西去鑽研學習,也可創出一條出路。今集《美食新聞報道》的「故事味緣」主角Luke。讀書時,成績不太好,是老師眼中有點頑皮的學生。在他對未來感到迷茫時,一個人的說話,改變了他的一生。
「當時被人喺教員室外罰企,家政老師路過同我講:『既然你唔鍾意留喺學校,咁點解你唔早少少出去攞社會經驗?』聽完之後好似開咗竅咁,返去真係有諗,於是入行做廚師。」
尋得方向後,Luke面對的是經歷多次失敗,但他沒有放棄只努力地再嘗試。在他眼中失敗和挫折都好小事:「做FUSION菜就係要有面對失敗嘅勇氣!」當被問到為何開餐廳會選擇做FUSION菜時,他表示:「因為香港缺乏CREATIVE,都想試下做到代表本地的創意料理,新菜式。」他對食材又非常講究,走遍中環舖找雜貨、菜檔等取貨,「試過喺海味街行咗20間舖,請店家切少少畀我試,試咗50條左右,才選出一款臘腸。」認真的態度,確保每道菜都是用優質用料。
他又指自己曾試過在雨天四處奔走買材料補貨,因天雨路滑而跣倒,膝蓋等都腫起來。但他都未有選擇休息,反而忍痛堅持回店煮足一日。要開發FUSION菜的過程並不容易,「失敗一定會有,最緊要係堅持,唔好放棄,最後一定會見到陽光嘅一日!」他亦感恩食客的支持,「見到你哋食得開心,我就有好大滿足感,有呢種連繫,我無咩暫時喺我而家生命入邊諗有咩可以替代到,好多謝每位到我餐廳食嘢嘅客人。」
臘腸卡邦尼,以臘腸代替意式煙肉和風乾豬面頰肉,先爆香臘腸,迫出油香,加入蒜蓉、黑椒、雞湯白酒,以及意粉。最後加上温泉蛋,再燒一燒,令表面帶焦香味道。
臘鴨髀意式雲吞配法式臘鴨清湯,採用用醃製風乾的本地臘鴨脾肉、加上芝士和䓤和韭黃做成雲吞餡,之後把炒好的臘鴨骨和煎香的米鴨煲成煲底。再加入蛋白不停攪拌,蛋白就會吸走肉的雜質,臘鴨清湯就製成了。Luke分享創作這道菜時,經歷過無數次失敗,「我只想做到最好嘅,先拎出嚟畀客人。」
西班牙紅蝦燒賣,概念來自香港人鍾意食燒賣。方法是把已處理的西班牙紅蝦,加入忌廉芝士製作成餡。關注組排名第一!
旺角海南雞開店半個鐘就賣哂?
海南雞是港人愛吃的美食之一,甚至為它開了關注組,研究哪一間最好味。今次由黃嘉雯介紹的是位於旺角的海南雞店,此店得到關注組的會員們讚好,排名第一,被指為全港最好味的海南雞!最誇張的是,更試過開店半個鐘就賣光所有海南雞,創下佳績!
食客可自選雞翼、雞胸或雞脾,每件雞都是肉眼看得到的嫩滑。原來秘訣就在店舖自家研發的浸雞機,可按雞不同部位所需時間去浸,確保肉質鮮嫩。配合蘋果醋辣椒汁、新鮮薑蓉及焦糖黑醬油3種醬料,每啖都有濃濃的雞味,一點也不肥膩。
Daap
中環永吉街20號地舖
全日雞實驗所
旺角通菜街80號