美食新聞報道｜「星級飯腳」吳浩康帶路揾食 觀塘海鮮菜館 爽嘆清湯鹿腩

今集《美食新聞報道》請來吳浩康(Deep)帶路揾食！作為觀塘地膽的他帶蔡景行 (行仔)先到宜安街海鮮菜館嘆美食！

第一站 宜安街 海鮮菜館

Deep分享這間菜館是他的唱歌學生介紹的，因為試過好味，之後跟太太拍拖時也有來光顧。

清湯鹿腩上菜時，第一次食鹿肉的行仔表示這看上去似清湯腩。在試飲湯後，他就指：「飲落唔同，鹿腩對比牛腩味濃一點，肉味濃好多，而且唔黐牙，肉感較爽。」

砵酒焗美國桶蠔，這道菜中的蠔跟手掌一樣大，十分足料。蠔的表面應該被炸過，跟汁配合得很好。

此時，Deep見行仔夾餸時笨手笨腳，即關心食物汁會否滴到他的褲子上，更笑言：「自從做咗老豆之後，成日都留意啲同行者食飯啲汁有無滴到褲上，但我睇自己條褲都係污糟哂。」他有感而發指：「做老豆就等於自己未準備好成長，但就被迫成長。」

行仔認為:「無人會ready咗先生小朋友，都係邊學邊做。」Deep接着說：「唔好諗住自己可以做到同自己老豆一樣咁好，會令自己有段時間都幾抑鬱，慢慢學識唔好比較，原來同老豆都可以比較到咁，係迫住要成長，但未必成長到，但成長唔到又過到關喎。本身關心同能力係兩樣嘢，呢個係唔駛講能力嘅嘢！」

充滿鑊氣的豉椒炒蜆星麵底，汁配合脆口麵，十分脆口。

炸鮮奶是Deep重點推介，外脆內軟，帶有少許椰奶味。

第二站 巧明街酒樓

Deep帶行仔到這間光顧了超過15年的酒樓，他分享，現時這間是2019年才搬來的新舖。

潮州凍蟹，蟹肉鮮甜結實，烹調時間剛好，不會過熟。

滷水鵝拼盤中的鵝肝有種回甘味道，啖啖肉的鵝片，味道清爽。

行仔跟Deep談起對方做網片KOL的經過，Deep坦言自己很喜歡睇片，而到地盤之後更是激發他拍片的起因。現時他亦有為自己的小朋友拍片，記錄成長。

反沙芋脆皮且香口，行仔試食後大讚：「好正，有啲焦糖，夾芋頭香，有啲似食固體芋頭西米露。」

尖沙咀新派港印菜
婆婆秘製雞湯 成功傳承逾200年

今集還有鞏姿希(Krystl)跟大家到尖沙咀一試有200年歷史，聞名於東南亞的秘製雞湯！據了解，老闆娘的婆婆當年就靠一碗印尼湯麵於東南亞打響名堂。

十三幺雞湯麵，湯底由13種材料煮成，味道富有層次。這碗湯麵有很多雞肉，包括有炙燒香的雞絲，以及肉質好滑的雞叉燒。Krystl試食後表示：「甜甜地、有中藥味嘅雞湯，麵底混合了米粉加粉絲，口感特別。」

鵝肝煎蛋撈飯，有大大塊鵝肝，外脆內軟，十分香。這碗飯配有特別的醬，味道極富有層次感。

最後還試了，滋味滿分的爆漿芝士煉奶年糕，為這餐劃上完美句號。

彪哥海鮮菜館 (觀塘)

觀塘宜安街4P & 4Q號地舖

潮薈軒 (觀塘)

觀塘巧明街107號國基集團中心3樓

十三姨

尖沙咀寶勒巷22-24號雲龍商業大廈地下A號舖