雞翼食譜|夏日菠蘿青檸煮雞翼|三姐|蕭秀香|流行都市
今集《流行都市》「睇餸食飯」環節有三姐蕭秀香 教大家整「夏日菠蘿青檸煮雞翼」,大家一齊嚟試吓啦!
雞翼食譜—夏日菠蘿青檸煮雞翼
材料:雞翼 14隻,菠蘿 10粒,泰國青檸 2個(其中一個榨汁),紅椒絲 適量,薑片 3件
調味:冰糖 1茶匙,鹽 1茶匙,生抽 2湯匙,蒜蓉 1湯匙
做法:
1.先落油,然後加入薑片爆香,加入雞翼煎香(記得雞翼背面先煎),再加入蒜蓉、生抽、一湯匙水、一匙糖。
2.把菠蘿切粒加入鑊中,再加入老抽,在快熟的時候,加入菠蘿汁和檸檬汁,然後大火收汁,加入少少糖中和酸味。
3.最後可以擺碟,刨少量青檸皮、再加上紅椒絲,就大功告成。